OS TELÉFONOS MÓBILES E O NOSO BLOG

Temos dúas novas que anunciar que relacionan ós teléfonos móbiles e o noso blog:
· Primeira: Xa está dispoñibel unha versión adaptada ós teléfonos móbiles do noso blog. O malo é que só se poden ler as entradas, así que se prefires a versión normal do blog, fai clic abaixo de todo na opción "Ver versión web".
· Segunda: Dispós dun teléfono móbil con Android, un iPhone ou unha BlackBerry? Pois logo podes acceder rápidamente ó noso blog con só escanear o seguinte código QR (abaixo). Para poder facelo descarga un escaner QR no Android Market, no App Store ou no Black Berry App World respectivamente. (No caso do Android Market e do BlackBerry App World os enlaces levan a unha páxina oficial do Android Market e do BlackBerry App World respectivamente, onde elexir entre varias aplicacións, e no caso do App Store só conseguimos mostrarvos unha aplicación, aínda que podedes picar noutras similares onde pon á esquerda "Más Apps para iPhone de TapMedia Ltd").

Ler máis

FINALIZAN AS II XORNADAS DE PORTAS ABERTAS

O pasado sábado 4 de xuño finalizaron no CEIP Laredo as II XORNADAS DE PORTAS ABERTAS organizadas polo noso club. Como xa adiantamos, esperábamos un gran aumento de xogadores e xogadoras, tal e como confirman as estatísticas: Con respecto ó ano pasado incrementamos nun 600% o número de xogadores e xogadoras, sendo así 120 os participantes que asistiron de bo grado ós adestramentos gratuitos todo o mes de maio. Por eso, finalizamos esta entrada, anunciando a nosa esperanza de batiren o ano que ven outra marca de número de participantes, e de que algún deses/as participantes sexas ti.

Ler máis

8ª E ÚLTIMA XORNADA DA LIGA LINCO XL 2011

Este próximo venres 13 de Maio celebraráse no Pabellón Municipal de Balaídos a última xornada da Liga Linco XL 2011. Os partidos serán os seguintes:

- OS SENDEIROS ALEXANDRE BÓVEDA V.S. OS PIÑEIROS BALAÍDOS ás 18:05h na pista 1.
- OS SENDEIROS ALEXANDRE BÓVEDA V.S. OS LOBISOMES BALAÍDOS ás 18:40h na pista 1.

Estades todos convidados a ir!!

Ler máis

II XORNADAS DE PORTAS ABERTAS DE BALONCESTO

Por segundo ano consecutivo, o noso club deportivo vai repetir as xornadas de portas abertas de baloncesto, cunhas espectativas de superar en moi altos porcentaxes ás anteriores, pero dun xeito distinto ó do ano pasado: Se facedes memoria, o ano pasado convocouse este evento para un sábado pola mañá. Pois ben, este ano as xornadas serán todo o mes de maio en diversos centros educativos do concello de Redondela; algúns centros nos que xa adetramos nas súas respectivas horas normais (ou nalgúns casos diferentes) e noutros centros nos que se vai impartir a actividade por primeira vez.
Adxuntámosvos aquí o cartel que realizamos para anunciar as xornadas, para que vexades as datas, lugares e horarios das xornadas:

Cartel II Xornadas de Portas Abertas

Para incribirvos tendes que ou ben madar unha mensaxe ó enderezo electrónico cbalexandreboveda@gmail.com incluíndo nome, apelidos, centro educativo, idade, curso, data de nacemento e enderezos e teléfonos de contacto, ou ben asistir a algúns dos centros onde se vai desenvolver a actividade e xa tomaremos nós os datos.
Estades todos e todas convidados a asistir ás nosas xornadas de xeito gratuíto!!!! E se o desexades, tamén vos agradeceriamos que collesedes o noso cartel e o peguedes no voso ámbito, e que lle comuniquedes ós vosos amigos e ás vosas amigas a existencia destas xornadas.

Ler máis

NOVO PARTIDO AMISTOSO DOS BENXAMÍNS

Este próximo sábado 26 xogarase un partido amistoso de benxamíns no noso campo local (CEIP Alexandre Bóveda) contra o equipo benxamín do "Chouzo":

-"CD ALEXANDRE BÓVEDA-BALONCESTO" V.S. "CHOUZO": O partidos xogarase ás 12:00h, pero convén que os adestradores/as e xogadores/as estean nas instalacións entre as 11:30h e as 11:45h, aínda que a esa hora estea en desenvolvemento o partidos dos alevíns.

Estades convidados/as a ir!

Ler máis

9ª XORNADA DA 2ª FASE DA LIGA ALEVÍN MIXTO

Este próximo sábado 26 os alevíns do club xogaran unha nova xornada da Liga Alevín Mixto contra o "Chouzo":

- "CD ALEXANDRE BÓVEDA-BALONCESTO" V.S. "CHOUZO". O partido xogarase ás 11:00h, pero obrigatoriamente os xogadores/as e adestradosres/as deben estar no noso campo local (CEIP Alexandre Bóveda) ás 10:15h.

Estades todos convidados/as a ir!! (e esperemos que a choiva prevista non inflúa en gran medida no desenvolvemento do partido...).

Ler máis

PARTIDO AMISTOSO DOS BENXAMÍNS

Este próximo sábado 12 de marzo, a continuación do partido da liga alevín mixto, ás 12:00 h, xogarase un partido amistoso e local entre os mesmos equipos que o partido dos alevíns, "CD, ALEXANDRE BÓVEDA-BALONCESTO" V.S. "DIVINO SALVADOR B", só que de categoría benxamín e algúns pre-banxamíns. Os xogadores/as e adestradoras/es deberán estar ubicados nas instalacións do centro ás 11:30 h. Estades todos convidados a ir!

Ler máis

7ª XORNADA DA 2ª FASE DA LIGA ALEVÍN MIXTO

Este sábado 12 de marzo xogarase o partido "CD ALEXANDRE BÓVEDA-BALONCESTO" V.S. "DIVINO SALVADOR B" da liga alevín mixto na nosa casa (CEIP Alexandre Bóveda) ás 11:00h, pero os adestradores/as, xogadores/as... deberán estar no mesmo ás 10:15 h sen falta. Como sempre vos dicimos, estades todos convidado a ir ó mesmo!!

Ler máis

3ª XORNADA DA LIGA LINCO XL

Este venres día 11 de marzo xogarase en Balaídos a 3ª xornada da Liga Linco XL 2011 cos seguintes partidos, respectivas pistas e respectivas horas:
- OS SENDEIROS ALEXANDRE BÓVEDA V.S. OS PIÑEIROS BALAÍDOS ás 18:05 h na pista 1.
- OS SENDEIROS ALEXANDRE BÓVEDA V.S. OS LOBISOMES BALAÍDOS ás 18:40 h na pista 1.

Estades todos convidados a ir! E recordade que toda a información que queredes e máis na ZONA LIGA LINCO XL 2011!

Ler máis

RESULTADOS DA 2ª XORNADA DA LIGA LINCO XL 2011

A 2ª xornada da liga Linco XL 2011 foi a máis emocionante que tivemos:

- OS SENDEIROS ALEXANDRE BÓVEDA V.S. AS SOBREIRAS BALAÍDOS: 2-12.
- OS SENDEIROS ALEXANDRE BÓVEDA V.S. AS CASTAÑAS BALAÍDOS: 16-14.
No primeiro partido non andivemos tan ben, como se reflicte no resultado, pero no segundo xa empezamos gañando nós cunha canastra de dous puntos, e malia que os outros xogadores non xogaron mal, nós estivemos máis atinados, non deixamos escapar a victoria e notouse que os xogadores/as do club pasárono xenial!
Deixámosvos coas fotos e a táboa clasificatoria da xornada, e recordade que toda a información que queredes e máis na ZONA LIGA LICO XL 2011.

Ler máis

6ª XORNADA DA 2ª FASE DA LIGA ALEVÍN MIXTO

Este próximo sábado 26 xogan os xogadores/as do noso club da categoría alevín:
- CD ALEXANDRE BÓVEDA-BALONCESTO V.S. CB CASELAS A en Salceda ás 10:30 h. Recordámos ós adestradore/as e xogadores/as que se o partido comeza ás 10:30 h hai que estar alí ás 10:00 h.
Estades todos convidados a ir!

Ler máis

II XORNADAS DE BALONCESTO PARA RAPACIÑ@S

Como xa anteriormente participamos, este sábado 26 de Febreiro imos xogar os máis pequenos do club en Maristas nas tres pistas exteriores. Haberá que estar alí ás 11:30-11:45 h para comezar a xogar ás 12:00 h. Os xogadores/as que asistirán serán os nenos e nenas de Laredo, os máis pequenos de Cesantes e os máis pequenos de Alexandre Bóveda.
Os adestradores de Laredo (Brais, Miguel e Abraham, ámbolos tres xogadores do club) estarán alí agardando ás 11:30 h.
Estades todos convidados a ir!

Ler máis

2ª XORNADA DA LIGA LINCO XL

Este próximo venres día 25 de Febreiro vaise disputar a 2ª xornada da 2ª liga Linco XL. Os partidos que xogaremos serán os seguintes:
- OS SENDEIROS ALEXANDRE BÓVEDA V.S. AS SOBREIRAS BALAÍDOS ás 18:05 h na pista 1.
- OS SENDEIROS ALEXANDRE BÓVEDA V.S. AS CASTAÑAS BALAÍDOS ás 18:40 h na pista 1.

Os xogadores/as e adestradores/as teñen que estar ás 17:55 h alí (baixo 18 de Balaídos).
Estades todos/as convidados a ir!
Recordámosvos que toda a información que queredes e máis na ZONA LIGA LINCO XL 2011.

Ler máis

RESULTADOS DA 1ª XORNADA DA LIGA LINCO XL 2011

A 1ª xornada da liga Linco celebrouse onte no pabillón municipal de balaídos, e xa temos os resultados:

- OS SENDEIROS ALEXANDRE BÓVEDA V.S. OS LOBISOMES BALAÍDOS: 12-2.
- OS SENDEIROS ALEXANDRE BÓVEDA V.S. OS ESQUÍOS BALAÍDOS: 8-18.
A xornada resúmese nunha victoria e nunha derrota, pero esperamos que en próximos días a xornada sexa soamente positiva! Deixámosvos coa foto da nosa xornada e a táboa clasificatoria:





Recordade que toda a información que queredes e máis na ZONA LIGA LINCO XL 2011.

Ler máis

3ª XORNADA DA 2ª FASE DA LIGA ALEVÍN MIXTO

Este próximo sábado 5 de febreiro xogamos de novo contra o "DIVINO SALVADOR A" no seu colexio (en Coruxo): CD ALEXANDRE BÓVEDA-BALONCESTO V.S. DIVINO SALVADOR A. A hora do partido é ás 11:00 h, polo tanto hai que estar alí ás 10:30 h (xogadores/as, adestradores...).
Como xa dicimos estades convidados a ir sempre que queirades ós partidos!

Ler máis

1ª XORNADA DA LIGA LICO XL

Este ano, os infantís e cadetes do noso club, entraron na xa coñecida "Liga Linco XL" (organizada polo Seis do Nadal - Coia). As xornadas comezarán este venres 4 de febreiro no pabillón municipal de Balaídos (concretamente no baixo 18) e se xogarán cada dous venres ata a úlima xornada que será o 13 de maio. Ademáis este ano temos un novo nome para a Linco: Este ano chamámonos "OS SENDEIROS ALEXANDRE BÓVEDA" seguindo así as pautas do tema de este ano, a fauna e a flora.
Os partidos do seguinte venres 4 son:
- OS SENDEIROS ALEXANDRE BÓVEDA V.S. OS LOBISOMES BALAÍDOS. Xogaráse ás 18:05 h na pista 1.
- OS SENDEIROS ALEXANDRE BÓVEDA V.S. OS ESQUÍOS BALAÍDOS. Xogaráse ás 18: 40 h na pista 1.

Estades todos convidados a ir, e recordade que toda a información que queredes e máis na ZONA LIGA LINCO XL 2011.

Ler máis

INCORPORACIÓN DO NOSO CLUB Á LIGA LINCO XL

O ano pasado o noso club incorporouse á Liga Linco, pero en categoría mini. Este ano os cadetes e infantís do noso club incorporaránse á Liga Linco XL. A liga terá duración similar á do ano pasado, pero a diferenza da Linco normal, a XL se xoga cada dous venres.
Imos crear unha zona titulada "ZONA LIGA LINCO XL 2011" similir á do ano pasado para tervos informados de localización, partidos, resultados, xogadores/as participantes... Toda a información que queredes e máis!
Polo de agora ímosvos adiantar algunhas cousas: A presentación da liga será mañá venres 28 de Xaneiro no pabellón de Navia ás 16:15 h, pero os xogadores/as deben estar ás 16:00 h alí.
Ímos finalizar esta entrada deixándovos os venres nos que haberá Liga Linco (a XL vén ó final), e cunha localización en 3D do lugar onde se xogarán os partidos (Baixo 18 de Balaídos):

Cronogramas Ligas Linco Linorsa 2011


Visualizar o mapa ampliado

Seguide este enlace para acceder á ZONA LIGA LINCO XL 2011

Ler máis

XOGA E FÁLAO: DA MAÑÁ A NOITE

Fai clic para lelo mellor:

Ler máis

EXPLICACIÓN DO NOVO FUNCIONAMENTO DO BLOG

Como sabedes, cerramos o blog polo escaso tempo de dous días para simplificalo. Pois ben, como poderedes observar, quitamos moitas cousas que había antes da zona de entradas; esas zonas están organizadas agora dun xeito moito mellor: Se vos fixades, ó entrardes no blog veredes unha lista de enlaces titulada "ZONAS", e cada un deses enlaces está titulado cun nome dunha zona como había antes no blog. Por exemplo, se recordades antes había un vídeo na zona superior ás entradas, pois ben, agora hai unha zona titulada "ZONA DE VÍDEOS" nos enlaces de "ZONAS". Cada zona vai acompañada dunha pequena e breve explicación. Segundo vaiamos creando zonas se irán engadindo a "ZONAS".
Esperamos que este sistema vos resulte máis cómodo. Bo Nadal e próspero ano novo 2011!!

Ler máis

TORNEO SOLIDARIO DE NADAL

O noso club está convidado a un torneo solidario de nadal, co fin de xogar ó baloncesto pero ó mesmo tempo a darlle ós máis necesitados alimentos, o único "prezo" por participar no torneo.
Será mañá día 23 de Decembro nas pistas de baloncesto de Balaídos (localización 3D ó final da entrada). A hora a cal teñen que estar os adetradores, adestradores axudantes e xogadores/as é ás 16:15 h, e o comezo do torneo será ás 16:30 h. Adxuntámosvos abaixo a localización en 3D e o calendario de xogo do torneo:



Ver mapa más grande

Torneo Solidario de Nadal 2010

Ler máis